كلام فى الجودة
ليه بنقع في فخ التسرع والحكم المسبق ؟
ده غالبًا لأننا بنشوف جزء من الصورة... ونبني عليه كل قراراتنا. وده بيبان بشكل واضح وإحنا بنشتغل على الـ Value Stream Map (VSM). إللى بتعتمد على عاملين أساسيين وهما Information Flow /Material Flow
وبيكون أغلب تركيزنا على تتبع حركة الخامات والهدر وأنواعه المصاحب لها ، وهو فين موجود؟ شكله إيه؟ نسبته قد إيه؟
لكن في وسط التركيز ده، ساعات بننسى الجانب الأخر من الصورة وهو لا يقل أهمية: تدفق المعلومات.
بنتعامل مع المعلومات كأنها مضمونة أو مفهومة تلقائيًا... وده خطر كبير، خاصة في الصناعات الحساسة.
لو ما عملناش تحليل مخاطر لتدفق المعلومات، النتيجة ممكن تكون كارثية.
في مجال زي سلامة الغذاء Food) Safety)، أي خلل في تدفق أو تحليل المعلومات ممكن يضر صحة العميل مباشرة.
تخيل مثلًا إن فيه عميل عنده حساسية من مكوّن معين (Allergen)، والمعلومة دي ما وصلتليش أو ما اتفسرتش صح... النتيجة مش بس فقدان ثقة، لكن ممكن تكون خطر حقيقي على حياته.
البيانات اللي بنستقبلها من العميل أو السوق مش مجرد أرقام أو ملاحظات. دي إشارات لازم نحللها صح، ونقيّمها من منظور المخاطر، علشان نقدر نقدّم منتج غذائي آمن فعلاً.
تقييم المعلومات بشكل صحيح معناه:
• نفهم مصدر كل معلومة ومدى موثوقيتها
• نحدد مين بيتعامل معاها وإزاي
• نعرف إيه المخاطر لو المعلومة دي كانت ناقصة أو غير دقيقة
• ونبني آلية مراجعة مستمرة علشان ما نكتفيش بالتحليل لمرة واحدة
سلامة الغذاء مش بس بتبدأ من خط الإنتاج... بتبدأ من أول معلومة.
#فكرة_ورسالة
#Lean_Food
#Food_Safety
https://www.linkedin.com/posts/ahmed-hussein-a8a36618_aeraesaepaetabraepaexabraepaesaeuaewaexaer-activity-7324662821038751744-aKf1?utm_source=share&utm_medium=member_android&rcm=ACoAABG_IYwBEFoQoeYtJNIF1NzAvC8HDe-lKJ4