الفرق بين بلية 2z و 2RS
الاتنين عليهم cover من الخارج
ال cover دا عشان تعرف نوعه وعدده هتبص علي العلبه بتاعه البليه من بره وهتلاقي جنب رقم البليه واحد من الرموز دي
2z
ودا معناه إن البليه دي راكب عليها غطاء معدن أو صاج وبيكون الغطاء مش محكم قوي وبيمنع دخول الاتربة من الدخول بدرجة معقولة
2Rs
ودا معناه إن البليه دي راكب عليها 2 غطاء كاوتش أو مطاط rubber وبيكون محكم جداً بيمنع دخول الاتربة والسوائل
Z
ودا معناه إن البليه راكب عليها ظرف واحد معدن والجانب الاخر مفتوح
Rs
ودا معناه إن البليه راكب عليها ظرف واحد مطاط والجانب الاخر مفتوح
Rz
ودي بتجمع بين ميزات الصاج والكاوتش سوا و بيتقال عليها low friction bearing
2RSH
بيكون ليها غطاء كاوتش مقوي بالمعدن ومحتك في أكثر من نقطه فيحقق عزل عااالي جدا
2RSL
بيكون غطاء كاوتش مقوي بالمعدن لكن نقاط الاحتكاك أقل وعزل أقل من ال 2RSH
طب أمتي اختار الظرف الكاوتش وأمتي اختار الظرف المعدن؟
الظرف الكاوتش بيمتاز بالعزل العالي ودا بيمنع دخول الاتربه والعوالق وبيمنع بشكل كبير دخول الرطوبه والمياة داخل البليه وعشان كدا بنستخدمه في التطبيقات إللي بتكون معرضه بشكل كبير للرطوبه أو للمياه أو حتي الاتربه و الرواسب زي ال blowers والمراوح والغسالات وغيرها
عيب البلية دي إن الاحتكاك بيكون كبير بين البليه وال cover (لو لفيتها بايدك هتلاقيها تقيله ف الدوران) ودا بيقلل من استخدامها في المواتير الكهربيه والمعدات إللي سرعتها عاليه لأن الاحتكاك دا هيسبب حمل إضافي علي الموتور وكمان هيولد حراره داخل المحرك
كمان يعيبها إنها لا تتحمل الحرارات العالية نسبيا علي عكس البليه إللي ليها غطا معدن ولا تتحمل الصدمات علي عكس النوع الأخر
النوع التاني وهو البليه ذات الغطاء المعدني 2z ودي بيكون فيه خلوص بسيط بين ال cover والبليه نفسها من الداخل بحيث يسمح بدخول الزيت واحيانا الشحم للداخل عن طريق عمليات التزييت والتشحيم الخارجيه بجانب إنه بيكون غالبا جواه شحم من بدايه التركيب
تمتاز بالاحتكاك القليل نسبيا وبالتالي تعمل في السرعات العالية وتتحمل الحراره العالية بشكل كبير (حتي 150 درجه واحيانا فيه أنواع بتوصل ل 200 درجه)
https://www.facebook.com/share/p/1BkupKXYhC/