العميل طلب مني 200 قطعة تتعمل له مخصوص. وعملتهم له وعجبوه جدآ و باع منهم كويس و كسب. وبعد كده مارضيش يدفع لي تمنهم

[Osama Badr]

المشكلة الأزلية اللي باشوفها من ساعة ما بدأت شغلي الخاص لحد النهاردة.

- العميل طلب مني 200 قطعة تتعمل له مخصوص. وعملتهم له وعجبوه جدآ و باع منهم كويس و كسب. وبعد كده مارضيش يدفع لي تمنهم. وبيماطل من ساعتها. مش عارف اعمل ايه خصوصآ اني لو اخدت باقيتهم منه مش هاعرف ابيعهم عشان هو طالبهم بشكل معين مش العادي اللي في السوق.

يعني المشكلة دي مشكلة عويصة للدرجة دي من أيام قدماء المصريين محدش حلها؟

حضرتك لازم تاخد مقدم من العميل قبل ما تنفذ. وياريت المقدم يساوي التكلفة أو اكتر شوية. ولما يستلم يدفع الباقي، سواء مرة واحدة أو على دفعات آجلة مضمونة بورق دفع (شيكات – كمبيالات- وصولات أمانة- ...) أو ياخدهم على دفعات وكل دفعة يخلص تمنها فورآ.

مفيش حاجة اسمها "أصل كانت الشغلة هتضيع مني".. ماتضيع.. مش أحسن ما تضيع فلوسك ووقتك و تفلس بسببها؟

#خواطر_في_البيزنيس
#خالد_ناصرالدين
https://m.facebook.com/story.php?story_fbid=pfbid03Npc3sWUmvUf9ixco8DU4Rzpm2kAGSZnEDFkeT1ihrD5iHin9miE95JHF6tcMfLgl&id=100077478353969&mibextid=2JQ9oc