صفحة 1 من 1

س/ يعني ايه يوم عاشوراء ؟؟وايه فضله ؟؟ومطلوب نعمل ايه فيه؟؟

مرسل: السبت أغسطس 06, 2022 12:11 am
بواسطة Osama Badr
صورة

س/ يعني ايه يوم عاشوراء ؟؟وايه فضله ؟؟ومطلوب نعمل ايه فيه؟؟
.........
ج/ يوم عاشوراء هو يوم ١٠ محرم اللي هيكون الأثنين الجاي
وعاشوراء هو اليوم اللي ربنا نجى فيه سيدنا موسى عليه السلام من فرعون وجنوده ولأن الأنبياء كلهم أخوة ولاننا بنؤمن بكل الانبياء ونعظمهم ...بنفرح في اليوم ده بنجاة سيدنا موسى وهلاك فرعون

طيب ايه العبادات المطلوبة مننا في اليوم ده ؟؟؟
أهم عبادة انك تصوم يوم عاشوراء ففي الحديث (صيام يوم عاشوراء أحتسب على الله أن يُكفّر السنة التي قبله)
لكن الأفضل كمان ...انك تصوم يوم ٩ محرم كمان معاه
يبقى تصوم يوم ٩و١٠ محرم اللي هم الاحد والاثنين الجايين وتكسب ....
١_تنفيذ وصية النبيﷺ باننا نصوم يوم مع عاشوراء
٢_مغفرة ذنوب ومعاصي السنة اللي فاتت
٣_ وتبقى صومت في افضل شهر في السنة بعد رمضان اللي هو شهر محرم
كل ده +كل أجوووور الصيام الكتيييير بالبعد عن النار ٧٠ سنة وشفاعة الصيام وغيرها من الاجور الكتير

يلا انو صيام الأحد والاثنين تاسوعاء وعاشوراء وشجع أصحابك وأهلك ...اوعى تضيع الفرصة 👍