صفحة 1 من 1

10 حاجات استفدتها من كتاب نادي الخامسة صباحًا

مرسل: الخميس أغسطس 11, 2022 8:31 pm
بواسطة Osama Badr
10 حاجات استفدتها من كتاب نادي الخامسة صباحًا بعد الانتهاء من قرائته♥


١- الساعة اللي قبل النوم هي اللي بتحدد يومك بكرة هيكون عامل ازاي.. عشان كده :
- اقفل تليفونك قبل ساعة من نومك.
- اعتني بنفسك واكتب يومياتك.
- صلي واقرأ قرآن ونام 🤍


٢- اول ساعة لما تصحى بيكون مستوى الكورتيزول (الخوف) عالي جدا.. وبتحس انك مش طايق تبدأ يومك.
الحل : ممارسة الرياضة 🤍
صلي الفجر واتمرن.


٣- لو مطلوب منك تاكل ضفدعة (مهمة رخمة) كلها الصبح وريح نفسك.
بعد ما تصلي وتتمرن وتفطر.. اعمل مشروبك المفضل وابدأ ف أصعب مهمة ف يومك وركز فيها لغاية الساعة 8 . 🤏


٤- لو فتحت سوشيال ميديا الصبح اعرف انك مش هتحقق اي حاجة مفيدة . 👈👉
الحل : متفتحش نت الا بعد الضهر.


٥- زي ما الشغل مهم.
راحتك أهم ✨
حدد كل يوم جلسة راحة بعيد عن التليفون وليكن مثلًا تلوّن مانديلا، ترسم، تتأمل، المهم انك تفصل خالص.


٦- فرق كبير بين انك تكون مشغول.. او انك بتنتج انجازات حقيقية.

٧- كل تغيير صعب في بدايته، فوضوي في متتصفه، رائع في النهاية!
صحيانك الفجر هيكون صعب اول ٢٠ يوم.
وفوضوي تاني ٢٠ يوم.
ورائع في ال ٢٠ الاخيرة.
وبعد 60 يوم هتصحى بدري من غير منبه. 🤍

٨- لو مش عندك ثقة بنفسك، وايمان بقدرتك على تحقيق اعظم الامور والالتزام بأهدافك~ يبقى مش هتحققها فعلاً.

٩- لما تحس انك ملكش نفس تشتغل يبقى ده أفضل وقت ترمي نفسك في الشغل وتحقق نتايج مبهرة.
ملكش نفس تذاكر يبقي هو ده افضل وقت ترمي نفسك في المذاكرة.
امشي عكس رغبتك انضباطك هيزيد كل يوم.


١٠- عايز تكون منضبط ومركز على الأولويات؟
اتدرب على "الانزعاج الطوعي"
صوم كل اتنين وخميس.
نام على الأرض كل اسبوع مرة.
استحمى بماية ساقعة ف الشتا مرة في الشهر.
انعزل عن السوشيال ميديا يوم كامل.
امنع سكر تماما مرة اسبوعيا.
كل ده بيقوي إرادتك على فعل الامور المهمة ♥

رابط الكتاب:
https://bit.ly/3p4hXj1

المزيد من الكتب الرائعة:
https://t.me/Coursat2020


منقول
https://www.linkedin.com/posts/mirasamir_aetaeyaezaepabraewaeraesaepaeq-activity-6962965038999437312-F1Xz