صفحة 1 من 1

مطلوب منك و انت بتلف في الدائرة دي و مطحون تخلق وقت و جهد للمذاكرة علشان تنجح و تكبر

مرسل: الجمعة أكتوبر 21, 2022 5:05 pm
بواسطة Osama Badr
صورة


الصورة دي منتشرة علي Linkedin و مكتوب عليها ( يلي روح شغلك و خلص شغل و اقعد مع اهلك و متنساش تذاكر و تاخد كورسات اه و كمان تحوش علشان تعمل مشروع و تنام بدري تريح جسمك و تصحي تروح الشغل و دوخيني يا لمونه)
..
فيما معناه يعني اللي هو الانسان بيلف في دائرة و كمان عايزيني اتطور ؟!
..
خليني بقي اسألك كام سؤال معلش :

١_ ليه مذكرتش الوقت اللي بتقعد فيه علي القهوة و تضيعه عالفاضي ؟

٢_ليه مذكرتش وقت البلايستاشن كل يوم ؟

٣_ ليه مجبناش سيرة صاحبتك اللي بتاخد من وقتك ساعتين كلام في الفون يوميا ؟

٤_ ليه مجبناش سيرة الساعات اللي ملهاش حصر اللي بتقضيها عالسوشيال ميديا ( فاكر تريند سندس و عليا ؟؟ طب فاكر انتش و اجري ؟؟)

و حتي لو انت مبتعملش كل الهلس ده ،، اه مطلوب منك و انت بتلف في الدائرة دي و مطحون تخلق وقت و جهد للمذاكرة علشان تنجح و تكبر ،،
ماهو مبينجحش الا القوي ،، خليك قوي و متندمجش مع الناس اللي بتشتكي لان صدقني كلنا عايشين معاك في نفس المجتمع و بنواجه نفس الصعوبات
..

منقول
https://www.linkedin.com/posts/karim-fawzy_karimabrhamed-personnelabrteamabrlead-technicalabrtrainer-activity-6989176150547656704-FLWC