صفحة 1 من 1

لازم تحذر وتخاف وتبتعد تماما عن الحلف بـ "عليا الطلاق" لأنك على خطر كبير جدا وقد تخسر بيتك فى لحظة

مرسل: الأحد نوفمبر 13, 2022 6:29 am
بواسطة Osama Badr
عاوز اقول لكل من يقول لزوجته :

عليا الطلاق ما انت خارجه ... عليا الطلاق ما انت رايحه عند امك ... عليا الطلاق لازم تعملى كذا وكذا ... عليا الطلاق كذا

أو كل شوية على لسانه عليا الطلاق ما انا عامل كذا .. عليا الطلاق ما انا مكلم فلان تانى ... عليا الطلاق ما انا داخل بيتكم تانى ... عليا الطلاق ... عليا الطلاق ....

عاوز اقوله ان دا اسمه تلاعب بحدود الله ودليل على ضعف الإيمان وعدم الخوف من رب العالمين

والكارثة الكبرى اللى انت ماتعرفهاش أن جمهور العلماء ومنهم الأئمة الأربعة يقولون بأن من حلف ب عليا الطلاق وحنث فى هذا اليمين فقد وقع الطلاق .. يا خبر !! وقع الطلاق؟! اه والله وقع الطلاق

بمعنى : من حلف على زوجته ب عليا الطلاق ما انت خارجه وزوجته خرجت ...

او قال عليا الطلاق ما انا مكلم فلان ولكنه كلمه فقد وقع الطلاق سواء نوى الطلاق ام لا ...

يعنى يلى لسانك مش مبطل حلف بالطلاق .. انت على قول الأئمة الأربعة مراتك طالق من زمان وممكن تكون عايش معاها فى الحرام .. يعنى مصيبتك مصيبه كبرى

وانا أعلم ان شيخ الإسلام وغيره من اهل العلم يعتبرون الحلف ب عليا الطلاق ما انت خارجه أو عليا الطلاق ما انت عامله وحصل ما حلف عليه بيعتبره يمين وعليه كفارة وليس طلاقا الا اذا نوى الطلاق

ولكن لازم تحذر وتخاف وتبتعد تماما عن الحلف ب عليا الطلاق لأنك والله على خطر كبير جدا جدا وممكن فى لحظه تخسر مراتك وبيتك وتخسر كل شىء

وعلى قول الأئمة الأربعة مرات طالق من زماااااااان

#المنير
#الطلاق
#عليا_الطلاق
#الحلف_بالطلاق