صفحة 1 من 1

"الشغل بيجيب شغل"👌نركز بقااا كدا 👇🏼

مرسل: السبت ديسمبر 03, 2022 8:13 pm
بواسطة Osama Badr
"الشغل بيجيب شغل"👌نركز بقااا كدا 👇🏼
جملة عظيمة سمعتها في أول مكان اشتغلت فيه زمان ,
أتعلمت ان نزولك حتى لو في مكان بسيط أفضل من قعدتك في البيت في إنتظار الفرصة المناسبة اللي مستحيل تيجي من قاعدة البيت لكن هتيجي من خروجك وتعاملاتك واجتهادك هي حتى لو مجتش من العلاقات فهي هتيجي من عند ربنا علشان ربنا شايف تعبك و هيعوضك
وجودك في اي شغل هيعلي النشاط عندك وهيخليك دايما motivated بشكل أكبر من قعدتك في البيت ودا هيخليك لو فاضل في اليوم ساعة ربنا هيبارك فيها وتقدر تذاكر وهتبقى أفضل من ال24 ساعة اللي مش عارف تعمل بيهم حاجة
الخلاصة :
1- مفيش شغل عيب.
2- ما تستناش الفرصة الذهبية أنزل أتحرك وأشتغل وهي هتيجي في الوقت المناسب.
3- ربنا بيحاسبنا على السعي مش النتيجة.
4- ربك هيعوضك عن ضغط اعصابك في اصعب اوقات الشغل
5- انت في الشغل بيبقى ستر ربنا محاوطك من كل الاتجاهات
6- طول ما نيتك خير ربنا هيسهل امورك

قال الله تعالى "رب اشرح لي صدري ويسر لي امري واحلل عقده من لساني يفقهو قولي "
"و أن ليس للإنسان إلا ما سعي "✨

منقول