الناس لية مستغربة من كم الحوادث البشعة اليومين دوول
مش الجيل ده اللى نشأ على أغنية ..
(مفيش صاحب بيتصاحب ومفيش راجل بقى راجل)!!!
الجيل ده نشأ على فيلم بيتقال فيه ..
علنًا كده بين اتنين ستات
(مالك يامره لو تعبانه خديلك نص أحمر)!!!
الجيل ده نشأ على ..
(إعلان بيتعرض فى نص الفيلم على التلفزيون
عن تطويل وتكبير وتضخيم)!!!
الجيل ده نشأ على مسلسلات بتتعرض في نهار رمضان فيها (رقص ومخدرات وخمره ودعاره )!!!
وكمان بقى شذوذ جنسى
الجيل ده نشأ وقدوته ..
(إبراهيم الأبيض وعبده موته والألماني ورفاعه الدسوقي) ومحمد رمضان عمومًا!!!
الجيل ده نشأ على ..
(حمو بيكا ومجدي شطه وحسن شاكوش وعمر كمال)
وشافوا الناس دي هي اللى معاها فلوس وعلامات المجتمع
ودكاتره ممكن يكونوا بيشتغلوا في أوبر
عشان يعرفوا يعيشوا!!!
الجيل ده نشأ على احتفال فيه (محافظ بيكرم رقاصه) ونادي رياضي بيعتبر رقاصه أم مثاليه!!!
الجيل ده نشأ على ..
(برامج بتستضيف شوية عيال متسولين وسرسجيه عملوا مهرجان شعبى منحط فى الوقت اللى حملة الماجستير يلهثون لا أحد يسمع لهم)!!!
الجيل ده نشأ على ..
(مهرجان بيتقال فيه :
أمك صاحبتي وأختك بترقص على مطوتي)!!!
الجيل ده نشأ على كل شىء مباح تحت ستار حريه شخصيه!!!
الجيل ده نشأ على ..
(دكتوراه فخرية ل محمد رمضان) ...
وكمان ثقافه تحت الصفر ..تعليم تحت الصفر...
اهتمام بالدين والتدين صفرين ..الدين بقى تكفير و مظاهر فارغه وناس بتفسد فى النفوس تحت مسمع ومرئ من الجميع تحت مسمى رجال الدين
منتظر ايه من جيل بالشكل ده والبيئه دي ؟؟!!!
الجيل ال بالمنظر ده لما يتجوز ويخلف
هتبقى المحصله إيه ؟؟!
احنا للاسف وصلنا لمرحلة ماتحت القاع ولازلنا مستمرين في الحفر !!
احنا في أزمه حقيقيه
بيعيشها وهيعيشها المجتمع السنين ال جايه!!!
لأن الجيل الحالي بالوضع ده مش هيبنى وطن
ولا هيشيل مسئوليه!!
والحل
١- دعوه حقيقيه إلى الله في كل مكان
٢- إراده حقيقيه في إصلاح المجتمع من كل مسئول
٣- وقف ماسورة الهباب اللي بيطفح على الأجيال الحاليه
٤- زرع قيمة القدوات الصالحة في نفوس وعقول الشباب..