السوشيال ميديا هدفها دايماً إنها تحسسك إنك مش كفاية في أي حاجة.. مش كفاية في شكلك، وجسمك، ولبسك، وتعليمك، ...

يضم ما فيه الخير والنفع من الامور المنتقاه والتى ليس لها فرع بالموقع وما يتم تقديمه من طلبات و أراء و اقتراحات و أفكار من أجل التطوير و التحديث
أضف رد جديد
Osama Badr
مؤسس المنتدى
مشاركات: 9302
اشترك في: الخميس مايو 03, 2018 2:46 pm
اتصال:

السوشيال ميديا هدفها دايماً إنها تحسسك إنك مش كفاية في أي حاجة.. مش كفاية في شكلك، وجسمك، ولبسك، وتعليمك، ...

مشاركة بواسطة Osama Badr »





- لو دخلت علي linkedin هتحس إن كل الناس بتنجز في شغلها وكاريرها وحياتها الشخصية والعملية وعندهم خبرات وإمكانيات جبارة جداً وإنك الوحيد الفاشل في حياتك ..!!

- لو دخلت علي جروبات القراءة هتحس إن كل الناس مثقفة وقرأوا مليون كتاب وأنت الوحيد اللي جاهل (غير مثقف) فيهم ..

- لو دخلت علي جروبات السفر هتحس إن كل الناس بتركب لسويسرا وألمانيا من موقف عبود وأنت الوحيد اللي مبتخرجش من بيتك..

- لو دخلتِ علي جروبات الموضة والجمال هتحسي إن كل الناس ستايل وبيلبسوا كل البراندات المشهورة وبيهتموا بنفسهم وأنتِ الوحيدة اللي دولابك فيه هلاهيل !!

- لو دخلت علي جروبات الرياضة وكمال الأجسام والـGYM هتحس إن كل الناس بتعمل فورمة وجسمها مثالي، وكل الناس برضو صحتهم كويسة اوي وأنت بس الوحيد اللي وزنك زايد وصحتك في ذمة اللّٰه !!

- لو دخلت علي جروبات الكابلز أو الذكريات هتحس إن كل الناس عندهم صحاب سند وضهر ليهم وإنك أنت بس الوحيد اللي بائس ومتعرفش حد نضيف في حياتك ..

السوشيال ميديا هدفها دايماً إنها تحسسك إنك مش كفاية، مش كفاية في أي حاجة..
مش كفاية في شكلك، وجسمك، ولبسك، وتعليمك، وعلاقاتك، وكل حاجة...

السوشيال ميديا دي عبارة عن (((كدبة كبيرة))) .. وحرفياً هما بيعملوا فلوس من كل لحظة أنت حسيت فيها إن اللي عندك مش كفاية .. دا هدفهم أصلاً في الحياة تفضل طول الوقت تجري ورا اهداف غير منتهية ويعدي بيك العمر وتكتشف إنك ضيعته في البحث عن حاجات أنت عمرك ما احتاجتها

حاول تفوق من الوهم ده وبلاش تنخدع بالـ Success Media Theory والرويال موديل عن السعادة اللي بيحاولوا يصدروها ليك عشان يبيعوك ويقبضوا التمن..
واعرف إن من أكبر النِعَم الـ ممكن تبقي في حياتك هي نعمة ا(لرضا والسلام النفسي) أكثر من المثالية والكمال perfectionism اللي عمرك ما هتوصلهم كده كده .

https://www.linkedin.com/feed/update/activity:6955812860757254144
مدونة تكنولوجيا الطحن Millingtec
https://millingtec.blogspot.com
-٠-٠-٠-٠-٠-٠-٠-٠-٠-٠-٠-٠-٠-٠-
مدونة اعمل صالحا DOSALEH
https://dosaleh.blogspot.com
-٠-٠-٠-٠-٠-٠-٠-٠-٠-٠-٠-٠-٠-٠-
قناة زدنى علما zdny3lma
https://www.youtube.com/@zdny3lma
Knowledge is a power •
Keep on what you're reading of HOLY QURAN •
There is much still to learn •
أضف رد جديد

العودة إلى ”مما أعجبني Liked & الاقتراحات“