السجاير ألعن من السم بطلوها بمزاجكوا قبل ما تبطلوها غصب عنكوا..

يضم ما فيه الخير والنفع من الامور المنتقاه والتى ليس لها فرع بالموقع وما يتم تقديمه من طلبات و أراء و اقتراحات و أفكار من أجل التطوير و التحديث
أضف رد جديد
Osama Badr
مؤسس المنتدى
مشاركات: 9302
اشترك في: الخميس مايو 03, 2018 2:46 pm
اتصال:

السجاير ألعن من السم بطلوها بمزاجكوا قبل ما تبطلوها غصب عنكوا..

مشاركة بواسطة Osama Badr »





انا بقالي فترة بتعامل مع مرضي السرطان بس الفترة دي كتر نوع سرطان حسيت اني لازم اقول اللي شوفته عشان لو حد مش واخد باله او مش مدرك حجم الكارثة...

1- السبب الاول والرئيسي لسرطان الرئة تقريبا هو "التدخين" ..

2-٨٠% من اللي بيشربوا "سجاير" هايجلهم سرطان رئة... هايجلهم اكيد مش ممكن يجلهم

3- ٩٠% بقي من اللي بيشربوا "شيشة" هيجلهم سرطان رئة
الشيشة مش أخف ولا أحلي ولا أنضف..

4- لو سرطان الرئة جه لوالدك او اخوك او عمك او جدك او خالك فاحتمالية انك هتموت بيه بقت مؤكدة.. طالما انت كمان بتدخن

5- بكل صراحة.. طالما جالك سرطان رئة هتموت يعني هتموت.. مفيش شفاء منه للاسف

6- الموتة اللي هتموتها ابشع من اي مرض تاني.. مش هتعرف تاخد نفسك .. كأنك واحد بيغرق ومفيش حد يلحقه
مجرد تخيل الحالة دي بس.. هتحس نفسك اتكتم

7- حتي لو بطلت تدخين بعد ما اتشخصت بالمرض فالفرصة راحت.. "بعد التشخيص..مفيش فرصة"

8- اليوم فعلا بيفرق... لو بطلت انهاردة غير لو بطلت بكرة
اليوم الواحد بيفرق

9- فيه دواء لو عايز تبطل.. بس مفيش دواء لو جالك سرطان
هتتعب اه و انت بتبطل.. بس هتتعب اكتر وانت مريض سرطان

10- لو ابتديت تحس باي الم في ضلوعك وصدرك روح للدكتور بسرعة.. دي اشارة خطيرة مش تافهة !

11- مفيش اي انذار قبل مايجيلك سرطان.. مفيش حاجة اسمها لما احس بكذا هبطل
ممكن تبقي زي الفل انهاردة.. تاني يوم تصحي بسرطان
زي ما قولنا ،، اليوم فعلا بيفرق

12- مفيش عدد سجاير معين هو اللي بيجيب السرطان
ممكن واحد يجيله سرطان من اول علبة وواحد يجيله سرطان بعد ١٠٠ علبة
ف مفيش حاجة اسمها "أنا بشرب خفافي كدا"

13- قعدة الصحاب ومنظر الرجولة ولمة الأنس اللي عاجبينك من السجارة.. مش هينفعوك وانت مرمي ف عناية مركزة مستني تموت واهلك بيحضروا لجنازتك

14- مفيش اي فرق بين سجاير ب١٠٠٠ جنيه وسجاير بربع جنيه
كله هيجيب أجلك.. الغالية مفهاش فيتامين C يعني

15- كل اللي ماتوا كانوا عارفين كل الكلام ده.. بس طنشوا.. واتمنوا لحظة يرجعوا فيها عشان يبطلوا

فكروا في الناس اللي متعلقة في رقبتكم
لو انت مش فارق مع نفسك.. فـ وجودك فارق جدا فـ حياة ناس معتمدة عليك
ودا شوفته بعيني في أهل العيانين.. بيوت هتتخرب لو الراجل بتاعهم مات
حرام ابن يتيتم أو ست تترمل عشان حتة سجارة

ولما حد يقولك انا ابويا قعد ٢٠ سنة يشرب سجاير ومات موته ربنا مجالوش سرطان ،، دا مش معناه ان الكلام اللي فوق غلط... دا بس معناه ان ابوه مات طبيعي قبل مايموت بالسرطان
و غالبا السجارة برضو سرعت موته الطبيعي دا
عشان في امراض كتير قاتلة بتيجي قبل السرطان واكتر من السرطان!

السجاير ألعن من السم بطلوها بمزاجكوا قبل ما تبطلوها غصب عنكوا..
وربنا يسلم من كل شر ⁦♥️⁩
منقول
مدونة تكنولوجيا الطحن Millingtec
https://millingtec.blogspot.com
-٠-٠-٠-٠-٠-٠-٠-٠-٠-٠-٠-٠-٠-٠-
مدونة اعمل صالحا DOSALEH
https://dosaleh.blogspot.com
-٠-٠-٠-٠-٠-٠-٠-٠-٠-٠-٠-٠-٠-٠-
قناة زدنى علما zdny3lma
https://www.youtube.com/@zdny3lma
Knowledge is a power •
Keep on what you're reading of HOLY QURAN •
There is much still to learn •
أضف رد جديد

العودة إلى ”مما أعجبني Liked & الاقتراحات“