كنت بتفرج على برنامج سين لأحمد الشقيري حلقة أيسلندا وقال فيه إن أيسلندا أعلى دولة في العالم بتنشر كتب مقارنة بعدد السكان الصغير بمعدل 238 كتاب لكل 1000 شخص يعني غالبا كل 4 أشخاص منهم واحد بيألف كتاب
وبيتكلم إن هما القراءة مهمة جداً بالنسبالهم لدرجة إنهم بيدو بعض هدايا ف الكريسماس كتب!!!
وبعدين تيجي تشوف إن إحنا عندنا الجهل متفشي وللأسف ده مكانش ماضينا يعني لما تقرأ عن علماء المسلمين في الماضي تلاقي العجب
يعني لما تقرأ كتاب قيمة الزمن عند العلماء تعرف إن إحنا كنا الأصل في المعرفة والعلم ولكن للأسف (كنا)
الكتاب ده هيحفزك جداً إنك تحافظ على وقتك يعني أصلاً على الغلاف هتلاقي مكتوب عليه بيت شعر عظمة ❤️
"
والوقت أنفس ما عُنيت بحفظه - وأراه أسهل ما عليك يضيع
"هتلاقي في الكتاب علماء كتير زي ابن الجوزي وابن تيمية والنووي وابن حزم وابن أبي الدنيا وابي حاتم الرازي وابن عساكر هتلاقي اقل واحد فيهم كاتب آلاف المجلدات طيب ده اللي كتبه ما بالك باللي قرأه
هتلاقي إن بري الأقلام بتاع ابن الجوزي وصى أن يتم إشعاله على الماء اللي هيغسل بيه عند موته وإن ابن الجوزي كان بيستغل الوقت اللي يجيلو فيه حد يقعد معاه ف بري الأقلام عشان ميضيعش وقت
هتلاقي إن معظمهم مبيضيعوش وقت في الأكل يعني بعضهم كان يسف الفتيت حتى لا يأخذ وقت في المضغ!!!
هتلاقي إن رجل قال لعامر ابن عبد قيس قف اكلمك قال له عامر : امسك الشمس !!! يعني وقف الوقت اكلمك من كتر ما هو مش فاضي ومش لاقي وقت
الكتاب ده هيثبت لك فعلاً إن الوقت كنز اغلى من الفلوس
كما قال أحد العلماء أنهم كانوا حريصين على أوقاتهم كحرصكم على دراهمكم ودنانيركم
قال النبي صلى الله عليه وسلم: " نِعْمَتانِ مَغْبُونٌ فِيهِما كَثِيرٌ مِنَ النَّاسِ: الصِّحَّةُ والفَراغُ. "
الراوي : عبدالله بن عباس | المحدث : البخاري | المصدر : صحيح البخاري
الصفحة أو الرقم: 6412 | خلاصة حكم المحدث : [صحيح]
التخريج : من أفراد البخاري على مسلم
رابط تحميل الكتاب
https://www.mediafire.com/file/7woz484wob1gxcx/%25D9%2582%25D9%258A%25D9%2585%25D8%25A9_%25D8%25A7%25D9%2584%25D8%25B2%25D9%2585%25D9%2586_%25D8%25B9%25D9%2586%25D8%25AF_%25D8%25A7%25D9%2584%25D8%25B9%25D9%2584%25D9%2585%25D8%25A7%25D8%25A1.pdf/file
cpd
https://www.linkedin.com/posts/%F0%9D%97%94%F0%9D%97%9B%F0%9D%97%A0%F0%9D%97%98%F0%9D%97%97-%F0%9D%97%94%F0%9D%97%95%F0%9D%97%97-%F0%9D%97%98%F0%9D%97%9F%F0%9D%97%AA%F0%9D%97%94%F0%9D%97%9B%F0%9D%97%94%F0%9D%97%95-3b0410190_%D9%82%D9%8A%D9%85%D8%A9-%D8%A7%D9%84%D8%B2%D9%85%D9%86-%D8%B9%D9%86%D8%AF-%D8%A7%D9%84%D8%B9%D9%84%D9%85%D8%A7%D8%A1-activity-7059556526906032128-K3GU?utm_source=share&utm_medium=member_desktop