س/ السنة القبلية الصح أصليها قبل الأذان ولا بتتصلى بعد الأذان قبل ما أصلي الفرض ؟
ج/ السنة القبلية بتتصلي بعد الأذان مش قبله ...
ولكن تصليها قبل ماتصلي الفرض
يعني الركعتين سنة الفجر القبلية ...تصليهم بعد آذان الفجر ..وقبل ماتصلي الفجر
والأربع ركعات سنة الظهر القبلية تصليهم بعد آذان الظهر ..مش قبله وبعدهم تصلي الظهر
******
س/ طيب فيه حديث:"رَحِمَ اللَّهُ امْرَأً صَلَّى قَبْلَ الْعَصْرِ أَرْبَعًا"...السنة دي بتتصلى برضو بعد الأذان ؟؟
ج/أيوه تصلى بعد أذان العصر وقبل ماتصلي الفرض ...وهي سنة مستحبة بس مش من السنن الرواتب المؤكدة وبتتصلي ركعتين ركعتين
******
س/ هل بنقرأ سورة قصيرة بعد الفاتحة في صلاة السنن ؟
ج/أيوة بنقرأ سورة قصيرة زي الفرض بالظبط
*******
س/ينفع أصلى سنة الظهر أربع ركعات متصلة زي الظهر ؟
ج/ينفع ...بس الأفضل تصلي ركعتين وتسلم وتصلي ركعتين كمان
******
س/ لو مالحقتش أصلي السنة القبلية للظهر أو الفجر لإن الإمام بدأ في الفرض ...أعمل ايه ؟
ج/صلي الفرض مع الإمام ويعدها صلي السنة دي قضاء بعد ماتصلي الفرض
لحديث عائشة -رضي الله عنها-: « أن النبي صلى الله عليه وسلم كان إِذَا لَمْ يُصَلِّ أَرْبَعًا قَبْلَ الظُّهْرِ صَلَّاهُنَّ بَعْدَهُ »؛
رواه الترمذي وحسنه الألباني.
#كاريكاتير_رسايل
#س_و_ج