⚠️ أشتغل بالمتاح لو سمحت
أشتغل بالمتاح. أشتغل بالامكانيات المتوفرة في ايدك حاليا وبلاش تتحجج بإن مافيش إمكانيات.
هو فى بس انت كسلان شوية
👈🏼الموضوع له شقين
شق شخصي، وشق عملي
☑️ الجانب الشخصي يعني حياتك الشخصية خارج نطاق الحياة العملية
في الجانب ده أنصحك تبطل شكوي تماما وأعمل اللي عليك في حدود المتاح في ايدك
✴️مش معاك فلوس تروح جيم، يبقي العب رياضه في أي مكان. في اوضة النوم في الصالون في الشارع. أرض الله واسعة
✴️مش معاك فلوس تاخد كورسات، يبقي تدور علي الكورسات المجانية وما أكثرها
✴️مش لاقي حد يديك معلومة أو ينصحك نصيحة، يبقي تدور في الانترنت وفي اليوتيوب او في الكتب
✴️المهم ماتوقفش حياتك علي حاجات مش متاحة في ايدك حاليا
✴️أشتغل بالمتاح لحد ما هو اكتر من المتاح واحسن بكتير هيجيلك لحد عندك لكن في الوقت المناسب
✅ في الجانب العملي والوظيفة، الموضوع مختلف حاجة بسيطة
☀هينطلب منك تنفذ تاسكات ما ومهام. شوف اية الادوات والامكانيات المطلوبة لتنفيذ المهمة والتاسك والمشروع واطلبهم بقلب جامد من مديرك
☀أطلب بذكاء و ب لباقة وبطريقة بروفيشينال
☀لو لم تجد رد فعل ولا استجابه، يبقي قدامك حل من اتنين
يا اما تشتغل بالمتاح لكن لازم كل شوية تفكر الادارة عندك انك بتشتغل بدون ادوات ولا إمكانيات وحطهم أمام مسؤولياتهم علشان ماحدش يحاسبك انت علي شيء مش انت السبب فيه
هتقولي ما انا لو اشتغلت بدون ادوات وامكانيات الشغل مش هيطلع مظبوط؟
ما انا عارف ، علشان كده بقولك حطهم امام مسؤولياتهم
يا اما الحل التاني لو مش عاجبك الوضع، يبقي تدور علي عمل بديل لكن مش تقضي وقتك في الشكوي وبس
كل شركة ليها ظروفها ومادمت ارتضيت بالعمل يبقي تشتغل بالمتاح
👈🏼المهم. أشتغل بالمتاح و أسعي انك تغير من وضعك الي الاحسن بدون صراخ وشكوي لا تفيد
⚠️ايه بقي حكاية الصورة دي ؟؟
دي بقي صورتي وأنا شغال بالمتاح في اخر نقطة في مصر حرفيا علي بعد ١٢٠٠ كيلو من القاهرة.
مكان في وسط المجهول
مشروع في مكان صعب جدا بس اتعلمت منه كتير
هيثم القط🌹🌹
مساء الخير علي الجميع
Cpd
https://www.linkedin.com/posts/haitham-elkott_%D8%A3%D8%B4%D8%AA%D8%BA%D9%84-%D8%A8%D8%A7%D9%84%D9%85%D8%AA%D8%A7%D8%AD-%D9%84%D9%88-%D8%B3%D9%85%D8%AD%D8%AA-%D8%A3%D8%B4%D8%AA%D8%BA%D9%84-%D8%A8%D8%A7%D9%84%D9%85%D8%AA%D8%A7%D8%AD-activity-7068970764783226880-H7Of?utm_source=share&utm_medium=member_android